Какво е чувството да се стане окупатор без намера? Користејќи познати, но и никогаш необјавени архивски материјали од цела Европа и Русија, ја следиме семејната приказна на режисерката за тоа како високата политика ги уништува животите на обичните луѓе. Пред само неколку години, таа ја открила семејната тајна на вујко си кој дошол да ја окупира Чехословачка во 1968 година како советски војник. Трагајќи по приказната за правујкото, авторката отвора теми како фрагментација на личната и националната меморија, наследената вина, толкувањето на историјата, медиумските манипулации, денешниот однос со Русија, но и односот на Чесите и Словаците спрема странците – актуелни теми на денешницата.