Док-муабети под смоквата

Денот стивнува, а ако за миг се стивне и умот, па го поведе и телото, ќе слушнете што вели оџата пеејќи на јазик, за многумина од нас неразбирлив. Што вели? Да забавиме, да оставиме, да го олесниме чекорот што лепи по скопската калдрма низ чаршијата, додека итаме кон анот за да ја прелажеме горештината среде август. Одеднаш, олеснување. Зад тешките камени ѕидини нѐ прегрнува ладовина, мислата се избиструва, тече вода во центарот… Добро е. Се слуша детско кикотење и понекој заскитан кучешки лаеж. Часот е неколку минути пред 18. Значи, рано е за проекција, сѐ уште е ден, но време е за муабет, да поприкажеме и да се чуеме…

Седнати во круг, за миг замолчуваме, тука сме сите и може да почнеме. Во воздухот се шири летен повеј на турски чај, дива смоква и лубеница. Лажичката замешува, ја топи коцката шеќер, ѕвекотот го означува почетокот на дискусијата. Зборуваме за ликови кои живеат осаменички среде планини, ледени пустини и океани, па за некои други кои живеат среќни среде несреќа, па на ред доаѓаат новите форми на комуникација и технологија, па лудоста да снимаш кога сите ти велат дека не треба, па некој ги кажува маките кога снименото се изгубило, па друг зборува за радоста кога на филмското платно видел дека сето бесмислено имало смисла…

Сонувачи и сонувачки, и оваа година ќе муабетиме под сенката на нашата смоква.

Да живееме и да раскажуваме!

Локација: Куршумли ан

Датум: 19.08-25.08.2022

Време: 18:00 – 20:00

19.08. 

Жири на 13.МакеДокс: Наталија Јефимкина, Џон Апел, Сузан Нодал, Кармен Греј, Јана Цисар,  Даниел Вадоцки, Марион Чарни, Невена Милашинович, Златко Ѓелески, Артан Садику, Сашка Цветковска, Борче Стоименов.

20.08.

Симон Леренг Вилмонт (КУЌА ОД РАСКИ)
Магнус Герттен (НЕЛИ И НАДИН)
Лаура Систеро (ТОЉАТИ ПЛУТАЈЌИ)
Марадиа Тсаава (ВОДАТА НЕМА ГРАНИЦИ)
Олена Сијатовска (ЈАС СУМ МИШЕЛ)
Лукаш Ковалски (ЗАЛОЖНА КУЌА)

21.08.

Хелена Тшештикова (РЕНЕ-ЗАТВОРЕНИК НА СЛОБОДАТА)
Катарина Черна(РЕНЕ-ЗАТВОРЕНИК НА СЛОБОДАТА)
Витеслав Чованец (Чешки Филмски Фонд)
Линда Калистова Јаблонска (КУЧЕШКА ЉУБОВ)
Павел Борецки (ЖИВОТВОРНА ВОДА)
Луци Кралова (КАПР КОД)
Даниел Вадоцки (Плуто Филм)

24.08. 

Ивана Тодоровиќ (КРAЈОТ НА ПАТОТ)
Кумјана Новакова & Гијермо Каррерас (ВОЗНЕМИРЕНА ЗЕМЈА)
Охад Милстеин (ЛЕТНИ НОЌИ)
Бриџид О’шеа (ДАЕ)
Хеле Хансен (МакеКоПроДокс Форум)

25.08. 

Влад Петри (ИСТИОТ СОН)
Наталиа Гарајалде (ТРЊЕ)
Мариа Алварез (ВО БЛИЗИНА)
Фернандо Соуза (ЛЕБДЕЧКИ СВЕТ)