Жири за наградата „МЛАД КРОМИД“

МАЕЛ ГЕНЕГ

По работењето на разни филмски фестивали, Маел Генег започнува да работи во областа на меѓународната филмска дистрибуција, најпрво со „Поан ду жур“ (Point du Jour) и „Док и Ко“ (Doc&Co). Во 2009 година ѝ се придружува на Катрин ле Клеф во потфатот „КАТ и Докс“, кој претставува каталог на избрани креативни документарци од меѓународен карактер.

ИГОР АНЃЕЛКОВ

Игор Анѓелков (1974) дипломирал на Интердисциплинарните студии по новинарство, а магистрирал на мастер-студиите по медиуми и комуникации на Правниот факултет при Универзитетот „Св. Кирил и Методиј“ во Скопје. Со медиско третирање на филмската уметност активно се занимава од 90-тите години на минатиот век преку рецензии во различни дневни, неделни и месечни весници, а потоа и како автор на филмската радиоемисија „REDRUM“ на Канал 103, а веројатно најпрепознатлив е по филмскиот магазин „Филмополис“ на ТВ Телма. Бил член на жиријата на неколку домашни фестивали, а од 2019 година започнува и неговата активност како член на најстарото здружение на филмски критичари во светот, ФИПРЕСЦИ, со учество и на меѓународни фестивали. Покрај шесте прозни дела, има објавено и три книги со филмска есеистика: „Филм.мкд“ (2015), за која ја има добиено државната награда за публицистика „Мито Хаџивасилев Јасмин“, „Филмски град“ (2018) и „Филмотопија“ (2022).

ВАУТЕР ЈАНСЕН

Ваутер Јансен е основач на продажната компанија „Сквер ајс“ (Square Eyes) која претставува смели и авторски внимателно развиени долги и кратки филмови и која заедно со самите филмаџии развива стратегии за фестивалска дистрибуција и продажба на нивните филмови. Ваутер има 10-годишно искуство како програмски директор на холандскиот филмски фестивал „Гоу шорт“ (Go Short) и предава на школи како француската „Ле фресној“, Високата школа за уметност и дизајн во Женева и Холандската филмска академија.