Жири за наградата „СЕЧКАН КРОМИД“

Марион Чарни

Марион Чарни работи за фестивалот ФИПАДОK (FIPADOC) од 2008 година каде што ги надгледува сите уредувачки содржини за младата публика и новите режисери. Таа координира едукативни проекции и работилници, раководи со „Жирито на млади Европејци“ и ја врши меѓународната селекција на студентски филмови New Talents.

Има завршено постдипломски студии по Менаџмент на културни проекти и има работено за Forum des Images (1999 – 2001) и во Одделот за едукативни активности и програмско управување. Била уредничка на 3 киносписанија и кураторка на неколку филмски фестивали како: Парискиот фестивал (Paris Festival) (2001/2002), Rencontres Internationales de Cinéma (2003) и Охридскиот фестивал на француски филм во Македонија (2008/2009).

Ангелики Вергу

Ангелики Вергу е координаторка на сите настани во индустријата на „Агора докс“ (Agora Docs) на Солунскиот фестивал за документарен филм (Thessaloniki Documentary Festival), вклучувајќи ги Thessaloniki Pitching Forum, Agora Docs in Progress и Meet the Future. Таа е и шеф на копродукцискиот форум Crossroads на Интернационалниот фестивал за филм во Солун. Од 2001 година има работено на двата фестивала во различни оддели и на различни позиции. Дипломирала на Хеленскиот отворен универзитет со дипломски труд по предметот Европска култура и цивилизација (2018). Има учествувано како менторка за обука на сценаристи во Sources 2: Training Mentors for Screenwriters (2013) и била асистентка обучувачка на Медитеранскиот филмски институт (МФИ) – Script 2 Film Workshop (2019), приправничка за консултант на Midpoint Institute Feature Launch Workshop (2020) и асистентка обучувачка на MFI Doc Lab на МФИ (2021).

Сузан Нодал

Специјалистка за дистрибуција на документарни филмови со седум години искуство во полето, Сузан претходно работела за компаниите Doc & Film International, а потоа за Mediawan Rights. За тоа време работела на филмови како Fuocoammare од Џанфранко Роси („Златна мечка“ 2016), документарните филмови на Фредерик Вајзмен и најскорешниот Kubrick by Kubrick од Грегори Монро (Трибека филмски фестивал 2020, Интернационална награда „Еми“ за најдобро уметничко програмско курирање 2021). Станува дел од дистрибуциската компанија Cercamon во ноември 2021 и го уредува каталогот на долгометражни документарни филмови во компанијата.