За форумот
МакеКоПроДокс форумот е форум чијашто главна цел е развој на стратешки план за зголемување на копродукциите на документарните филмови меѓу балканските земји. Форумот вклучува претставници од 12 регионални филмски агенции, документарни здруженија, документарни професионалци и 10 проекти во различни фази на продукција избрани преку отворен повик.
Во пресрет на економската криза, културниот сектор и филмската индустрија најчесто се најпогодени од кратењето на буџетот. Само доколку се дејствува солидарно преку зголемување на регионалните копродукции, ќе се овозможи поголем број финансирани проекти на Балканот во рамки на редуцираните фондови. Првиот форум за копродукција на документарни филмови се одржа на 10. „МакеДокс“ во 2019 година, а оваа година се одржува неговото четврто издание.
Нашата цел со овој проект е првпат да воспоставиме нов здружен сектор на Балканот, како единствен начин да се амортизираат последиците од кризата. За време на онлајн сесиите, ќе ги претставиме проблемите со кои регионалните земји редовно се соочуваат поради кризата и ќе се обидеме да изнајдеме можни начини за надминување, потенцирајќи ги неконкретизираните регулативи поврзани со поддршка на развојот и продукцијата на документарните филмови.
„Тешко е човек да не се вљуби во МакеДокс. Во неговата локација, филмовите и луѓето. По деветгодишното искуство како филмски застапнички за документарни филмови во Данска и Норвешка, логично беше да го споделиме нашето знаење и среќна сум што ќе научам за начинот на кој функционира Балканот. Исто така, ја модерирам и мрежата составена од клучни фигури во балканските филмски агенции и центри, па привилегија е да се биде заедно со група која сака да разменува, иновира и работи во полза на создавање најдобри услови за филмаџиите и филмовите во иднина“
– Хеле Хансен
Форумот е организиран и поддржан од: МакеДокс, Агенција за филм на Република Северна Македонија, МЕДИА деск МК, Грчкиот филмски центар, Град Скопје и Младинскиот културен центар, Скопје.