Жири за наградата „КРОМИД“
Жири за наградата „КРОМИД“
КЈАРА ЛИБЕРТИ
Кјара Либерти работи како консултантка за дистрибуција и опфат на документарните филмови и од 2022 година е коуметничка директорка на фестивалот „Биографилм“ (Biografilm Festival) во Болоња. Претходно соработувала со италијанската дистрибутивна компанија „Ај вондер пикчрс“ (I Wonder Pictures), од нејзиното основање во 2013 година и со продукциската куќа номинирана за Оскар, „Фајнл кат фор риал“ (Final Cut for Real). Кјара има работено во Италија, Обединетото Кралство, Ирска, Германија и Данска – од менаџмент на фестивали и настани, и курирање, до продукција, пишување и предавање. Има дипломи по филмски студии, курирање на визуелни уметности и аудиовизуелен менаџмент и имала можност да добие обука за претприемаштво додека живеела во Лондон.
НАДЈА ТЕНШТЕТ
Надја Тенштет е директорка на „ДОК индустри“ (DOK Industry) на ДОК Лајпциг (DOK Leipzig). Работела во областите маркетинг, продажба и набавки во американските дистрибутерски компании „Цајтгајст филмс“ (Zeitgeist Films) и „Мајлстон филмс“ (Milestone Films). По враќањето во Европа во 2011 година, работела за меѓународни филмски фестивали и пазари како што се Филмскиот фестивал во Локарно и Европскиот филмски пазар (ЕФМ) на „Берлинале“.
ВЛАДАН ПЕТКОВИЌ
Владан Петковиќ е новинар, филмски критичар и фестивалски програмски уредник. Тој е писател сениор во „Синеуропа“ (Cineuropa), дописник за териториите на поранешна Југославија во „Скрин интернешнл“, еден од уредниците на веб-страницата на Меѓународниот фестивал на документарни филмови – Амстердам (IDFA) и тамошен програмски советник за кратки филмови. Тој е програмски уредник на „Ист нејборс филм фестивал“ (East Neighbours Film Festival) во Хаг, како и „Загребдокс“ (ZagrebDox) и „Раб филм фестивал“ (Rab Film Festival) во Хрватска. Тој е и основач и раководител на студии на „Гоукритик!“ (GoCritic!), програма за обука за нови филмски новинари и критичари во соработка со „Синеуропа“ (Cineuropa).