Откако ќе ја надживее дијагнозата за терминална болест, Блаж тргнува на прочуената и напорна „Џиро д‘Италија“. Со него е неговата партнерка, режисерката Маја која сака да ја документира триумфалната велосипедска трка. Она што беше планирано да биде возење од Доломитите до Сицилија, за да се поврати контролата над сопствениот живот и да се прослави соочувањето со најголемиот страв, набргу за двојката се претвора во патување кон себеоткривање. Во фокусот сега се искуството и потребите на Маја. Како што камерата се врти навнатре, врската меѓу нив се отплеткува, што открива храбро преиспитување на самите себеси и на тоа што навистина значи да се биде заедно. Суров тестамент за љубовта и промената среде прекрасни природни пејзажи.