Две децении по трагичната смрт на неговиот брат, семејството на режисерот Кристијан Ејншој се распаѓа. Користејќи домашни видеа снимени во текот на 30 години, 75 илјади семејни фотографии и три припиени костуми од суперхерои, тој се впушта во пејзажи од одамна изгубени времиња во обид да се соочи со трагедијата стара 25 години и скриените рани од неа. Ова е приказна за татковци и синови, за огромни колекции од поштенски марки и аматерски видеа, за летање во бизнис-класа на долги релации и сите други начини на бегање наместо соочување со болката, како и простувањето што следува кога тишината ќе се скрши и кога тие можеби конечно ќе стигнат на другата страна од планините.