МакеКоПроДокс форумот има за цел да развие стратешки план за зајакнување на копродукциите на документарниот филм помѓу земјите од Балканот. На форумот ќе присуствуваат претставници од 12 регионални филмски агенции и 10 проекти во различна фаза на продукција.

Во пресрет на економска криза, културата и филмската индустрија се честопати најпогодени од намалувањето на буџетите. Само преку делување солидарно и преку зголемување на регионалните копродукции, балканските земји можат да го зголемат бројот на финансирани проекти за време на намалените средства.

Поради неизвесноста за можните мерки предизвикани од КОВИД-19 кризата, третото издание на МакеКоПроДокс форумот ќе се одржи онлајн.

Форумот е организиран и поддржан од: МакеДокс, Агенција за филм на Република Северна Македонија, Гете институт Скопје и Младински културен центар Скопје.

Датуми: 16 август, 23-25 август.

Модератори:

Хеле Хансен (поранешен омесар за документарни филмови- Норвешки филмски институт)

Бриџид О’Шеа (Документарна Асоцијација на Европа)

Зејнеп Ѓузел (Документарна Асоцијација на Европа)

Цел: Ќе ги поканиме клучните личности од документарната филмска индустрија од целиот свет, ќе ги претставиме можните начини на соработка и ќе се обидеме да направиме долгорочна соработка помеѓу филмските агенции од регионот. Нашата цел со овој проект е за прв пат да се воспостави нов сектор на алијанса на Балканот, како единствен начин да се амортизираат последиците од кризата.

Во рамки на онлајн сесиите, ќе ги претставиме проблемите со кои се соочуваат регионалните земји во голема мера како резултат на кризата и ќе се обидеме да најдеме можни начини за нивно надминување, истовремено истакнувајќи ги нивните неспецифични регулативи посветени на развојот и продукцијата на документарни филмови.

Форумот кани:

• 12 претставници на филмски агенции од регионот (Македонија, Србија, Хрватска, Словенија, Црна Гора, Босна и Херцеговина, Албанија, Бугарија, Грција, Косово, Романија и Турција)
• Претставници на ТВ радиодифузери
• Претставници (филмски програмери) од мрежата Doc Around Europe
• Филмски дистрибутери
• Локални продуценти

Менторскиот дел за проектите се состои од:

1. Работилница за пичинг со Бриџид O’Шеа и Зејнеп Ѓузел (16 август)
2. Пичинг сесии и еден-на-еден состаноци со учесниците со проекти (25 август)

Кој може да аплицира: Продуценти/автори на докумнетарни филмови со аудиовизуелни проекти во фаза на продукција или постпродукција од С. Македонија, Србија, Хрватска, Словенија, Црна Гора, Босна и Херцеговина, Албанија, Бугарија, Грција, Косово, Романија и Турција.

*Ве молиме имајте во предвид дека не бараме приказната да биде снимена во регионот

Главни критериуми за аплицирање со проект:

• да е долгометражен документарен филм;
• да е во фаза на продукција или пост-продукција
• да е сниман или продуциран во регионот.

Рок за пријавување: 05.08.2020

Аплицирајте на forum@makedox.mk со трејлер доколку го имате, или со одбрани сцени (макс. 20 мин)

Изборот на доставени проекти ќе го изврши комисија за проценка, земајќи ги предвид критериумите за подобност. Резултатите ќе бидат објавени преку е-пошта и на веб страната не подоцна од 10ти август.