Проекции
Проекции
Филмската програма на 15-то Патувачко кино на „МакеДокс“ ќе се прикаже во Битолско и Демирхисарско.
Годинава магаренцето ќе се растовари во:
- Смилево – 20 јули, 20.30 ч, сретсело
- Битола – 10 август, 20.30 ч, пред Офицерскиот дом
- Цапари – 4 и 5 септември, 20.00 ч, сретсело
- Буково – 6 и 7 септември, 20.00 ч, сретсело
- Долно Оризари – 8 и 9 септември, 20.00 ч, сретсело
Првата проекција во Смилево е во соработка со Зрно-Фестивал на алтернативна фотографија и НУ Смилевски Конгрес, каде беа одржани изложбата на алтернативни фотографии „Улишта“ на Миша Кескеновиќ од Сежана, Словенија, потоа изложбата на алтернативни фотографии на фото клубот Ирис од Темишвар, Романија, како и камерениот концерт на Сиот тој џез во смилевската кооперација
Покрај проекцијата на креативни документарни филмови во рурални средини, организирањето на Патувачкото кино е дел од пошироката рамка на децентрализација на културата низ целата држава. Реализацијата на Патувачкото кино е поддржана од Агенцијата за филм на РСМ и од „МакеДокс“.
