Волонтерите се мускулите, но и душата на фестивалот.

Мислата дека наскоро првото кафе, турско чајче или симитка во денот ќе се ужива во ановите, но исто таму и ќе се испрати денот, нѐ скокотка и уште од сега ни го поткрева допаминот.

Искрен поздрав до сите кои волонтирале барем минута од своето време и ентузијазам!

Ги повикуваме сите нив, но и оние кои до сега не успеале да ни се придружат, да се пријават на шеснаесеттото издание на МакеДокс.

Денот да почне и заврши во ановите со стари добри и нови пријатели!

Пријавете се преку следниот формулар.

16тото издание на фестивалот МакеДокс ќе се одржи од 21 до 28 август.
Волонтери ни се потребни од 13ти до 30ти август.

Што сѐ можеш да правиш како волонтер на МакеДокс?

– да лепиш плакати низ Скопје

– да местиш столици и да ги спремаш локациите за проекција

– да продаваш мерч на штанд

– да помагаш со ручек и закуски

– да помагаш на шанк 

– да бидеш дел од службата за гости

– да помагаш на денските работилници и мастеркласови

– да помагаш со сценографија

– да бидеш дел од фото тимот

– да бидеш дел од една незаборавна дружба

И уште многу други работи!