Жири за наградата „Млад кромид“
Жири за наградата „Млад кромид“
ЛОРЕН КЛАРК
Лорен Кларк е програматорка на филм, кураторка и истражувачка сместена во Глазгов. Моментално работи како придружна програматорка за документарни филмови на Филмскиот фестивал во Торонто (TIFF), програматорка на Канадскиот документарен фестивал „Хот докс“ (Hot Docs) и како програматорка на експерименталната ниша на Фестивалот за кратки филмови „Естетика“ (Aesthetica Short Film Festival) и е членка на колективот „Невидливи жени“ (Invisible Women Collective).
ВЛАДИМИР ГОЈУН
Владимир Гојун (роден во 1979 во Дубровник) дипломирал филмска монтажа на Академијата за драмски уметности во Загреб, каде што денес работи како вонреден професор.
Тој е монтажер на меѓународно признати долгометражни филмови („Бујик ривиера“, „Зад стаклото“, „Ме носиш“, „Рударот“, „Мажите не плачат“, „Жабата“, „Сосема сам“, „Мурина“), документарни филмови („Плати и жени“, „Хјустон, имаме проблем!“, „Кралот“, „Русинот“, „Мојот превртен свет“, „Стил мил кафе“, „Ништо нема да биде во ред“, „Иследникот“), краткометражни филмови („Жолта месечина“, „Здив“, „Црвено светло“, „Вистинската вистина за борбата“) и експериментални филмови („Од – до“, „Првиот здив“). Режирал и четири документарни филмови („Циклуси“, „Времиња на големата депресија“). За својата работа како режисер и монтажер освоил голем број награди во својата земја и во странство.
РОК БИЧЕК
Рок Бичек (роден во 1985) е словенечки режисер и продуцент. Се стекнал со меѓународна слава со својот дебитантски филм „Одделенски непријател“ (2013), кој ја освоил наградата „ФЕДОРА“ (FEDORA) за време на „Неделата на меѓународни критичари“ (International Critics’ Week) на Филмскиот фестивал во Венеција. Овој филм бил финалист за наградата „ЛУКС“ (LUX), а се нашол и во „Изборот на критичарите на Варајети“ (Variety Critics’ Choice Selection). Неговиот документарец „Семејството“ (2017), кој бил сниман 10 години и прикажан на Меѓународниот документарен филмски фестивал во Амстердам ИДФА, освоил Гран-при на Неделата на критичари на Филмскиот фестивал во Локарно.
Во 2021, неговиот краткометражен филм „Пенал“ бил прикажан на програмата за кратки филмови во Локарно, а моментално работи на своето трето режисерско остварување.
Во 2011 Рок ја основа независната продукциска компанија „Цвингер филм“ (Cvinger Film) со седиште во Љубљана и филијала во Виена. Заедно со други продуценти од светот, Рок бил избран во програмата „Продуценти во движење“ од страна на ЕФП (EFP Producers on the Move). Тој бил продуцент на филмовите „Со среќа, Орло“ (2016) и „Моја Весна“ (2022) на Сара Керн, а бил и копродуцент на филмовите: „Зимски муви“ (2018) и „Атлас на птици“ (2021) на Олмо Омерзу и „Последици“ (2018) на Дарко Штанте.
Продукцијата „Цвингер филм“ моментално работи на проектите на Билјана Туторов, Марија Зидар, Маја Прелог, Полина Келм, Евлем Кафтан, Олмо Омерзу, Лун Севник, Михаи Драголеа и Раду Моцану.