Ставро е талентиран дваесетгодишен студент по гитара. Џејд е студентка по вокал и негова девојка. Тие се од едно мало гратче во срцето на Балканот и заедно ќе отпатуваат во друг град за да студираат музика. Љубен е нивен пријател музичар тапанар кој веќе ги завршил студиите. Борејќи се низ бескрајната општествена транзиција, тие изнаоѓаат иновативни начини за изразување на своите таленти – собираат ѓубре од отпад, изработуваат уникатни инструменти, компонираат музика и изведуваат концерти. Заедно со силната страст за музика се развива и врската меѓу Ставро и Џејд.