Жири за Наградата за етички идеи

Артан Садику

Артан Садику е истражувач, теоретичар и активист кој има докторат по филозофија. Негови примарни научни интереси се теориите на субјектот, феминизмот, радикалните практики во политиката и уметноста. Работел во Институтот за општествени и хуманистички науки – Скопје каде што ја водел Школата за критика и политика. Тој беше еден од клучните актери во протестните движења АМАН!, #протестирам и Академскиот пленум, а во моментот е дел од Организацискиот борд на КРИК, фестивал за критика и култура. Работи како надворешен соработник на Музејот на современата уметност во Скопје и е претседател на Асоцијацијата на независната културна сцена ЈАДРО. Редовен соработник е на регионални и меѓународни фестивали, конференции и списанија како Subversive Fest, The Anarchist Book Fair, Le Monde Diplomatique, Journal Identities и Bilten.

______________________________________________________________________

Борче Стаменов

Борче Стаменов, роден 3 септември 1977 година,  е информатичар и филантроп. Го основал движењето „Донирај компјутер“ во 2016 година за собирање компјутери кои не се употребуваат повеќе за да ги донира на деца од социјално загрозени семејства, со заложба сите деца во Македонија да имаат еднаков квалитет на образование. Во 2020 иницијативата прераснува во граѓанско здружение со тим на волонтери под негово водство. Досега се донирани 1800 компјутери. Овие активности му донесоа многу награди и признанија на државно ниво. Една од тие награди е и наградата „Европеец на годината“ за 2021 година доделена од делегацијата на Европската Унија во Македонија

______________________________________________________________________

Сашка Цветковска

Сашка Цветковска е меѓународно наградуванa истражувачкa известувачка и главна уредничка на ИРЛ (Истражувачка репортерска лабораторија), непрофитна медиумска организација која работи во Северна Македонија и на Балканот, значајна поради своето женско лидерство, младиот кадар и иновативното раскажување приказни. Сашка работела на многу национални и прекугранични истраги кои откриле домашен и транснационален криминал, корупција, незаконска трговија со оружје и војни на дезинформации. Денес, фокусот на нејзините одговорности е зголемувањето на влијанието на истражувачкото известување преку создавање нови наративи од приказните преку филмови и кампањи. Дел од овие напори е најпопуларниот македонски истражувачки документарен серијал „Редакција,“ продуциран од Цветковска и нејзиниот тим, чија задача е да ја зголеми довербата во медиумите и да го максимизира влијанието на истражувачкото известување. Цветковска е член на Управниот одбор на ОЦЦРП (Истражувачки проект за организиран криминал и корупција) како претставник на центрите членки, меѓународна медиумска организација поврзана со ИРЛ.