Приказна за копнеж по живот што не му е даден на човека од раѓање. Братот и сестра Сузи и Суне биле оставени сами на себе уште кога биле деца. Заедно купуваат една стара фарма и се опкружуваат со куп животни – живи, мртви и во различни фази на „оживување“ – Сузи е перспективна таксидермистка, а Суне одлучил да ѝ го поддржи сонот за водење сопствен бизнис. Но двајцата копнеат по различни нешта, па односот почнува да им се нарушува. Дали сродството е доволно? Или е премногу?