МакеДокс програмата за едукација галопира со воведување новитети во образованието!

Ви ја претставуваме НЕКСТАС, европската дигитална платформа, која го олеснува користењето на креативниот документарен филм во наставата. Веќе е достапна на македонски и полека но сигурно навлегува во порите на формалното образование кај нас. 

НЕКСТАС нуди лесно и безбедно споделување на материјалите со учениците, неограничено прегледување на филмовите со превод, колегијално планирање на календарските активности и рој други можности кои ја олеснуваат работата на час, сѐ со цел вниманието да биде насочено кон она што е најважно – ново имерсивно искуство како за учениците така и за наставниците! Портфолиото брои импозантни 1.500 аудиовизуелни ресурси – краткометражни и долгометражни документарци, но и кратки видео клипови со изведени тематски целини, а сите тие се придружени со предлог разработени лекции за програмите по било кој училишен предмет. 

НЕКСТАС гордо им служи на 16.000 корисници ширум светот, а моментално над 200 посветени наставници активно ја применуваат кај нас.

Како да добиете бесплатен пристап до НЕКСТАС, за Вас и Вашето училиште?
Пријавете се на ОНЛАЈН РАБОТИЛНИЦАТА на 7 април 2026 од 18:00 до 20:00 со пополнување на следниот формулар.

Ќе ја презентираме платформата, а со професорката по Социологија Надица Таневска Јанева ќе споделиме совети и препораки за практична примена на документарните филмови во наставата. Следува сертификат за учество.