Док-муабети под смоквата
Док-муабети под смоквата
Денот стивнува, а ако за миг се стивне и умот, па го поведе и телото, ќе слушнете што вели оџата пеејќи на јазик, за многумина од нас неразбирлив. Што вели? Да забавиме, да оставиме, да го олесниме чекорот што лепи по скопската калдрма низ чаршијата, додека итаме кон анот за да ја прелажеме горештината среде август. Одеднаш, олеснување. Зад тешките камени ѕидини нѐ прегрнува ладовина, мислата се избиструва, тече вода во центарот… Добро е. Се слуша детско кикотење и понекој заскитан кучешки лаеж. Часот е неколку минути пред 18. Значи, рано е за проекција, сѐ уште е ден, но време е за муабет, да поприкажеме и да се чуеме…
Седнати во круг, за миг замолчуваме, тука сме сите и може да почнеме. Во воздухот се шири летен повеј на турски чај, дива смоква и лубеница. Лажичката замешува, ја топи коцката шеќер, ѕвекотот го означува почетокот на дискусијата. Зборуваме за ликови кои живеат осаменички среде планини, ледени пустини и океани, па за некои други кои живеат среќни среде несреќа, па на ред доаѓаат новите форми на комуникација и технологија, па лудоста да снимаш кога сите ти велат дека не треба, па некој ги кажува маките кога снименото се изгубило, па друг зборува за радоста кога на филмското платно видел дека сето бесмислено имало смисла…
Сонувачи и сонувачки, и оваа година ќе муабетиме под сенката на нашата смоква.
Да живееме и да раскажуваме!
Локација: Куршумли ан
Датум: 18.08-24.08.2022
Време: 18:00 – 20:00
Распоред и теми на дискусии:
18.08 – Кога монтажерите избираат – одлуките на монтажер(к)ите наспроти одлуките на режисер(к)ите
Tue Steen Müller (Editing workshop – LOOKING FOR LAYERS)
Jesper Osmund (Editing workshop – LOOKING FOR LAYERS)
Jelena Maksimovic (Onion Award Jury)
Gorana Jovanovic (BALLS)
Viera Čákanyová (NOTES FROM EREMOCENE)
19.08 – Пронаоѓање филм во материјалите
Rodolfo Castillo-Morales (Onion Award Jury)
Andreas Johnsen (Moral Approach Award Jury)
Rimantas Oičenka (THE TRIP)
Daniel Asadi Faezi & Mila Zhluktenko (WAKING UP IN SILENCE)
Niko Väistö (POLAR LIGHT NIGHT), Christian Einshøj (THE MOUNTAINS)
20.08 – Како да го најдете филмскиот јазик на филмот
Daniel Kötter (LANDSHAFT)
Mila Turajlić (SCENES FROM THE LABUDOVIC REELS)
Vlad Petri (BETWEEN REVOLUTIONS)
Rok Bicek (Young Onion Award Jury)
Dragan Von Petrovic (Sliced Onion Award Jury)
23.08 – Доблеста на трпеливоста
Peter Hammer (REVIR: EVERYTHING YOU HOLD DEAR)
Barbara Orlicz-Szczypuła (Sliced Onion Award Jury)
Natalia Libet (Onion Award Jury)
Lauren Clarke (Young Onion Award Jury)
Anabela Angelovska (RETREAT)
24.08 – Сила за да се заврши филмот
Marko Grba Singh (Onion Seed Award)
Vladimir Gojun (Young Onion Award)
Mariam Chachia & Nikolas Voigt (MAGIC MOUNTAIN)