Мото: „Само сонот е стварност“

МакеДокс објавува отворен повик за визуелен идентитет и дизајн на плакат за 17-тото издание на фестивалот на креативен документарен филм, кое ќе се одржи од 20 до 27 август 2026 во Скопје.

Оваа година го отвораме просторот кон филмската критика и теоријата на филмот – кон размислувањето за сликата, значењето, меморијата и перцепцијата на реалноста.

„Само сонот е стварност“ не се чита како бегство од реалноста, туку како единствен простор во кој сè уште препознаваме смисла.

Реалноста што нè опкружува станува фрагментирана, нестабилна и често невистинска, додека сонот станува личен, колективен, филмски, и останува последната позната територија.

Филмот постои токму на таа линија:
помеѓу реалното и замисленото,
документот и илузијата,
сеќавањето и конструкцијата.

Кромидот останува наш симбол и простор за истражување.

Аплицирајте со:

• Два визуелни предлози за постерот ( JPG или PDF)
• Краток концепт-текст (до 300 зборови) со објаснување на вашата идеја и пристап
• Кратка биографија и портфолио

Забелешка: постои можност избраните предлози да се доразвијат во соработка со тимот на МакеДокс.

Кој може да аплицира:

• Индивидуалци или тимови од Македонија

Рок за пријавување: 5 мај 2026, до 23:59 часот (CEST)

Аплицирајте преку пополнување на ФОРМУЛАРОТ.

*Избраниот/та дизајнер/ка ќе биде ангажиран/а за финализирање на фестивалскиот плакат, вклучително и адаптации за социјални медиуми и изработка на пет двострани страници за фестивалскиот каталог.

*Овие материјали не се бараат во фазата на апликација, но ќе бидат дел од финалниот процес на дизајн.

*Авторот/ката на избраниот предлог ќе добие хонорар за изработка на визуелниот идентитет и ќе биде кредитиран/а во сите промотивни материјали.

*Организацијата го задржува правото да не избере ниту еден од поднесените предлози.