ДОК.фест Минхен (Минхен, Германија), ДоксБарселона (Шпанија), МакеДокс (Скопје, Северна Македонија) и ФИПАДОК (Биариц, Франција) имаат задоволство да ви ја најават новоформираната мрежа ФестДоксНетворк.

Партнерството меѓу овие четири клучни фестивали за документарни филмови е резултат на заедничката цел за поддршка и промоција на исклучителните креативни документарни филмови како и зголемување на нивната достапност кон што поголема публика.

„Нам ни е најважно дека документарците кои ги имаме во програмите на сите наши фестивали добиваат шанса да бидат видени. Четирите фестивали си ги здружуваат силите, експертизата и срцата за да осигураат далекусежна видливост на документарните филмови. Кризата која сега ја искусуваме ни дава прилика да си потврдиме дека заедничкото работење е незаменливо“ изјавија претставниците на ФестДоксНетворк.

Во иднина, четирите фестивали ќе се поддржуваат меѓусебно при селектирање филмови од нивните земји за фестивалските програми. Исто така, тие ќе организираат посети на клучни експерти од индустријата од секоја земја на фестивалите.

ФестДоксНетворк беше најавена за време на онлајн фестивалот ДОК.фест Минхен (DOK.fest München @home) кој се оддржува од 06 до 24 мај. За време на онлајн фестивалот ДоксБарселона Фестивал Онлајн (DocsBarcelona Festival Online), од 19 до 31 мај, ќе се објават дополнителни информации и повеќе детали околу партнерството.

КОНТАКТИ

DOK.fest München petzold@dokfest-muenchen.de +49(0)170/2083481

DocsBarcelona jmontagut@docsbarcelona.com +34 93 452 46 18 

MakeDox contact@makedox.mk 

FIPADOC communication@fipadoc.com +33 6 64 31 92 21