Во време кога потребата за радикална трансформација на нашиот однос со сите живи суштества, а особено со животинскиот свет, од ден на ден станува сè поитна, овој филм дава оригинален „еколошки“ предлог. Наместо да посочува на специфичен пример на злоупотреба или експлоатација на животни, нè поканува длабоко да ја промислиме целокупната парадигма на соживот помеѓу човечките и нечовечките животни. Без да ја осудат ситуацијатa или, пак, да изречат морална пресуда, режисерите го користат филмот како начин да се создаде простор за рефлексија и предлагаат да престанеме дa ги гледаме животните и да си дозволиме тие да нè гледаат нас.