Војна се води во бразилската прашума помеѓу последните припадници на племето Уру-еу-вау-вау и земјоделците кои – поддржани од претседателот Болсонаро – полека ја уништуваат нивната заштитена територија. Но, младиот активист и водач Битате нема намера да се откаже без борба. Заедно со својата менторка Неидиња, тој мобилизира армија од самоуки новинари кои патролираат низ џунглата и ги фаќаат земјокрадците на лице место. Користејќи ја камерата како единствено оружје наспроти пилите, Битате и неговите луѓе ги ризикуваат животите со цел да го запрат соголувањето на прашумата пред да биде предоцна.